James Squire係第一代澳洲嘅流放犯,亦係一名酒鬼,更重要嘅身份係澳洲史上第一位釀酒師。雖然佢逝世後酒廠無人繼承,但一眾敬重佢冒險精神同貢獻嘅釀酒師喺1998年以佢酒廠名字”Malt Shovel”重新開業,向James嘅傳奇一生致敬,以及重現澳洲早期嘅啤酒風格。因偷竊而被英國政府流放到澳洲開荒嘅James Squire,再一次因為偷藥房內嘅蛇麻花(亦即係「啤酒花」)而被捕。當年盜竊嘅懲罰係處以300鞭刑,相當於判處死刑,為求搏得一線生機,佢向法官提議將鞭刑減半,剩餘嘅一半就以兩桶新鮮啤酒作為罰款。好在當時嘅法官都係一名酒鬼,James Squire先逃出鬼門關,仲成為澳洲第一位釀酒師。
